Nur etwas für Insider 1

Aber ich musste derart laut lachen dass ich es subito auf den Blog klatschen muss. Mägi, meine Freundin, mit der ich jedes Jahr zum Wellness fahre hat diese Geschichte verfasst, wer uns kennt, der weiss was lief…oder ned?

:-))

Für meine deutsche Leserschaft…sorry, aber ich liess das in Mundart stehen!

Jo also guet wie söll ich afange? Eusi Zugfahrt hät echli schwierig agfange und au eso ufghört aber das spöter !! Gäl liebs Fründinli Du häsch echli es Dorenand gha aber guet, Du hättisch au chönne in Winti ischtiege aber lömmer das hä. Nacheme feine Cüpli mit Lachsbrötli simmer in Bregenz a cho wo euses Büssli einsam und verlasse det gsi isch….und wer chonnt ??En Päppel miteme Müeti wo neui Schueh kauft hät. Jesses und denn die Fahrt über die verschiedene Päss immer meh id Pampas use uiii und de Schnee heieiei „oder ned“ !!!

Euses Hotel isch „logisch super gsi, nume was mir ebe nöd gwüsst händ- es hät no es Räbhuehn und en Stinkschnägg det gha wo mir alli Tag händ müesse aluege und das sogar ohni Sonnebrölle gäll liebs Dörly wenn weisch wasi meine „oder ned“

D’Saunierete isch ame au unterbroche worde vor allem wenn eso en Junge iPod nano cho isch und nöd gmerkt hät dass mer jo ohni Badmantel det inne isch- heieiei -ich säge nome „abfahre“ „Türe zue“ „oder ned“

De Rueherum: also det händs eus jo müesse ufmerksam mache was das überhaupt isch „oder ned“ jesses und lache ohni en Ton isch scho echli asträngend gsi, ämel für mich isch doch „logisch !!!

Zwüschedore isch en „Päpplete gsi im Früehschtücksrum de hämmer ame gseit „isch öpis“ jo jo es isch öpis ebe will mir schlächt gschlofe händ und das ohni Päppel „oder ned“ wenn weisch was i meine grinsli

De nachere Woche Schnee und nomol Schnee d’Fahrt nach Bregenz aber nei nei nöd mitem Päppel,es isch en junge Päppel gsi fascht en Raserei „oder ned“ !! Logisch simmer z’früeh in Bregenz gsi eusi Koffere für 2Std im Schlüssfach- no echli Glädelet ,de gmüetlich uf de Perron und jo denn isches aber grad echli schwierig worde oder söll ich säge heimelig? De Zug hät 100Min Verspötig gha !! Defür hämmer chönne beobachte wie det ufeme Bänkli „Gnähmaschinelet“ worde isch „logisch“ sind ebe fliessigi Lüt det „oder ned“ !!!

Liebs Fründinli ich danke Dir für die schön Woche aber jetzt vermiss ich Di halt scho drum heisst’s jetzt „DOREHEBE“ ruhig „DORESCHNUFE“ !!! Isch öpis abfahre oder ned !!!

Wasi no han welle säge fascht vergässe !!

Im Zug isch de Tempo Teufel gange ohni Billetkontrolle also dem Kondikteur gib ich au nömme lang er isch total überforderet gsi würd säge im Stress guet hät au kei Wellnessferie gha wie mir !! So fertig jetzt kei Ramba Zamba und au kei Halli Galli alles Schöni isch einisch fertig „oder ned“